Ռուսաստանի հայերի միության նախագահ Արա Աբրահամյանը նախատեսում է Հայաստանում քաղցկեղի գերժամանակակից կենտրոն կառուցել։

«Արդեն երկու տարի է՝ բանակցում եմ ամերիկյան Burlington Capital ընկերության հետ՝  նրա օգնությամբ ստեղծելու միջազգային բոլոր չափանիշներին ու պահանջներին համապատասխանող կենտրոն։ Մի քանի անգամ այցելել եմ ԱՄՆ-ում վերջերս կառուցված ուռուցքաբանական կենտրոն, որը կառուցված է նոր տեխնոլոգիաներով և միջազգային չափանիշներով, զբաղված է նաև բժիշկների  վերապատրաստմամբ։ Աշխարհում նմանը չունի, և ես ուզում եմ, որ նույն կենտրոնը ստեղծվի Հայաստանում»,- ասաց Աբրահամյանը։ Բացի այդ, ՌՀՄ նախագահն ասաց, որ արդեն իսկ ձևավորվել են գյուղատնտեսական և բժշկական տեխնոլոգիաների ֆոնդեր՝ Հայաստանում այդ ոլորտները զարգացնելու համար։

«Արդեն աշխատանքներ են տարվել Հայաստանը մեծ գիտական ​​կենտրոնի վերածելու ուղղությամբ, որի շուրջ կհամախմբվեն գիտնականներ ամբողջ աշխարհից, և ոչ միայն հայերը»,- ընդգծեց Աբրահամյանը։