«Արարատյան Ալյանս» մտքի կենտրոն-ինստիտուտը հավատարիմ մնալով իր ձևավորման հիմնական գաղափարախոսությանը՝ համախմբել հայերի, ինչպես նաև հայ ժողովրդի բարեկամների ներուժը երկրի անվտանգության ամրապնդման, տնտեսության մրցունակության բարելավման, ազգային արժեքների պահպանման և զարգացման համար, հայտարարում է մրցույթ հետևյալ ուղղություններով՝
1.Անվտանգային տեխնոլոգիաներ և կիբեր տեխնոլոգիաներ
2.Տնտեսություն, ձեռներեցություն և կառավարում
3.Ազգային արժեքներ և ազգային գաղափարախոսություն
Նախատեսվում են հետևյալ մրցանակները՝
Առաջին մրցանակ՝ 5.000.000 ՀՀ դրամ,
Երկրորդ մրցանակ՝ 2.500.000 ՀՀ դրամ,
Երրորդ մրցանակ՝ 1,500.000 ՀՀ դրամ
Մրցույթի պայմանները:
Մրցույթին կարող են մասնակցել ինչպես Հայաստանում, այնպես էլ արտերկրում բնակվող մասնագետները:
Մրցույթին մասնակցելու համար անհրաժեշտ է ներկայացնել տվյալ ոլորտի վերաբերյալ ծրագիր – առաջարկ, որը պետք է ունենա կիրառական հստակ ուղղվածություն, հաշվի առնելով Հայաստանում դրա իրագործման առանձնահատկությունները, հնարավորության դեպքում՝ նաև միջազգային ուսանելի փորձը և այն տեղայնացնելու հնարավորությունները:
Մրցույթին մասնակցելու հայտը:
Ծրագրի հետ միասին պետք է ներկայացնել համառոտ ինքնակենսագրական՝ շեշտելով ոլորտում ունեցած կենսափորձը: Ծրագրերը կարելի է ներկայացնել հայերեն, անգլերեն կամ ռուսերեն:
Մրցույթին դիմելու ժամկետները:
Մրցույթի հայտերն ընդունվում են մինչև 2022թ. մայիսի 2-ը, ժամը 18.00
էլեկտրոնային փոստով՝ [email protected]
«Արարատյան Ալյանս» ինստիտուտ
