ՌՈՒՍԱՍՏԱՆԻ ՀԱՅԵՐԻ ՄԻՈՒԹՅԱՆ ՀԱՅՏԱՐԱՐՈՒԹՅՈՒՆԸ ԼԵՌՆԱՅԻՆ ՂԱՐԱԲԱՂՈՒՄ ԻՐԱՎԻՃԱԿԻ ՍՐՄԱՆ ԿԱՊԱԿՑՈՒԹՅԱՄԲ

Ռուսաստանի հայերի միությունն իր խորը մտահոգությունն է հայտնում Ադրբեջանի սադրիչ գործողությունների պատճառով Լեռնային Ղարաբաղում (Արցախում) իրավիճակի սրման կապակցությամբ, որը հանգեցրել է մարդկային զոհերի և այսօր այն կարող է խաթարել  Արցախի բնակչության անվտանգության և ֆիզիկական գոյատևման երաշխավոր հանդիսացող ռուսական խաղաղապահ զորախմբի շնորհիվ պահպանվող խաղաղությունը:

Մեր անկեղծ ցավակցություն ենք հայտնում զոհվածների ընտանիքներին եւ ցավում ենք տուժածների համար:

Օգոստոսի 3-ին տեղի ունեցածն ադրբեջանական կողմի ո՛չ առաջին, ո՛չ էլ, ցավոք, վերջին սադրանքն է, որը դարձել է պաշտոնական Բաքվի կողմից հետևողականորեն իրականացվող հայատյաց քաղաքականության հերթական դրսևորումը՝ էթնիկ հայերին բնաջնջելու, նրանց ահաբեկելու և հայրենի հողից, որի վրա նրանք ապրում են դարեր ի վեր` հանդիսանալով ավտոխտոնային բնակչություն դուրս մղելուն: 

Մենք կոչ ենք անում միջազգային հանրությանը օբյեկտիվ գնահատական տալ Ադրբեջանի ագրեսիվ գործողություններին։ Մեր անվերապահ զորակցությունն ենք հայտնում Արցախի ժողովրդին և իր ճակատագիրն ինքնուրույն որոշելու նրա իրավունքին և հիշեցնում, որ միջազգային իրավունքի համաձայն ՝ Արցախը երբեք չի պատկանել Ադրբեջանին ՝ մի երկրի, որը ԽՍՀՄ փլուզումից հետո իրեն ճանաչել է Ադրբեջանի Դեմոկրատական Հանրապետության իրավահաջորդ (1918-1920)։
      Կոչ ենք անում մեր բոլոր հայրենակիցներին, այդ թվում՝ Ռուսաստանում բնակվող հայ երիտասարդներին, պահպանել հանգստություն և չտրվել տեղեկատվական հնարքներին, վստահել ստուգված աղբյուրներին, սոցցանցերում տարածվող տարբեր տեսակի «քաղաքագետների» և «վերլուծաբանների» կողմից տարածվող չստուգված լուրերն և կեղծ նորությունները չտարածել:

Մենք համոզված ենք, որ տարածաշրջանում խաղաղության պահպանման հարցում շահագրգիռ բոլոր ուժերի միավորմամբ և համատեղ ջանքերով միայն կարող են գտնվել գործուն մեխանիզմներ ՝ Ադրբեջանին քաղաքակիրթ վարքագիծ պարտադրելու համար ՝ կանխելու այդ հակամարտության հետագա սրումը և պայմաններ ստեղծելու Արցախի ժողովրդի ազատ կամարտահայտման և իր պատմական հողերում նրա խաղաղ կյանքի համար:

Հիշեցնենք, որ ավելի վաղ, Արա Աբրահամյանը, որպես "Արարատի Ալյանս" ինստիտուտի ղեկավար, դիմել էր հայրենակիցներին ու Հայաստանի բարեկամներին ՝ կոչ անելով միավորվել հանուն Հայաստանի ու Արցախի պահպանման ու զարգացման, ազգային արժանապատվության ու մեր արժեքների վերածննդի:

Հայտարարության տեքստին կարող եք ծանոթանալ այստեղ https://araratalliance.am/